“YANGI BANK” AJ TUGATISH KOMISSIYASINING E’LONI
Hurmatli kreditorlar!
“YANGI BANK” AJ Tugatish komissiyasi 26581512-sonli lot bo‘yicha elektron auksion bo‘lib o‘tganini ma’lum qiladi. Ushbu natija Bank mol-mulkini sotish va tugatish massasini shakllantirishning muhim bosqichi hisoblanadi.
1. Sotilgan obyekt to‘g‘risidagi ma’lumotlar
| Ko‘rsatkich | Ma’lumot |
|---|---|
| Obyekt | “Yangi bank” AJ binosi va inshooti |
| Manzil | Toshkent shahri, Yunusobod tumani, Amir Temur ko‘chasi, 99-uy |
| Auksion natijalariga ko‘ra sotish narxi | 111 300 000 000,00 so‘m |
| Savdo sanasi | 2026-yil 9-noyabr |
| Platforma | “E-AUKSION” (e-auksion.uz) |
| Operator | “Elektron onlayn-auksionlarni tashkil etish” AJ |
| Holat | auksion yakunlangan, savdolar bo‘lib o‘tgan |
2. Savdo natijalari bo‘yicha hisob-kitoblar tartibi va muddatlari
Qonunchilikka, shu jumladan “E-Auksion” platformasida elektron onlayn-auksionlar va tanlovlarni tashkil etish hamda o‘tkazish tartibi to‘g‘risidagi nizomga muvofiq quyidagi tartib belgilangan:
2.1. To‘lov
Auksion g‘olibi savdo o‘tkazilgan kundan boshlab 15 ish kuni ichida lotning to‘liq qiymatini savdo platformasi operatorining maxsus hisobvarag‘iga to‘laydi (g‘olib tomonidan to‘langan pul mablag‘lari savdo platformasi operatorining maxsus hisobvarag‘ida jamlanadi).
2.2. Bayonnoma
Auksion natijalari to‘g‘risidagi bayonnoma lot qiymati to‘liq to‘langanidan keyingi ish kunidan kechiktirmay rasmiylashtiriladi.
2.3. Mablag‘larni o‘tkazish
Pul mablag‘lari auksion g‘olibi obyektni qabul qilib olganini tasdiqlaganidan keyin 3 ish kuni ichida “YANGI BANK” AJning tugatish hisobvarag‘iga o‘tkaziladi.
3. Kreditorlar bilan hisob-kitoblar
Kelib tushgan mablag‘lar tugatish massasiga kiritiladi va “Banklarni sanatsiya qilish va tugatish to‘g‘risida”gi O‘zbekiston Respublikasi Qonunining 64 va 65-moddalariga muvofiq kreditorlar bilan hisob-kitoblarga yo‘naltiriladi:
hisob-kitoblar navbatma-navbat amalga oshiriladi: har bir keyingi navbatdagi talablar oldingi navbatdagi talablar to‘liq qanoatlantirilganidan so‘ng qanoatlantiriladi;
bir navbat doirasida — har bir kreditorning talabi miqdoriga mutanosib ravishda.
Navbatdagi to‘lovning sanasi, navbati va miqdori to‘g‘risida pul mablag‘lari Markaziy bankdagi tugatish hisobvarag‘iga amalda kelib tushganidan so‘ng alohida e’lonlar orqali xabar beriladi.
4. Tugatish komissiyasining joriy faoliyati
Tugatish komissiyasi pul mablag‘larini yig‘ish va Bank mol-mulkini sotish jarayonini davom ettirmoqda. Ishlar quyidagi yo‘nalishlarda olib borilmoqda:
• auksionlar bo‘yicha bitimlarni yakunlash — bo‘lib o‘tgan savdolar bo‘yicha pul mablag‘lari tugatish hisobvarag‘iga kelib tushguniga qadar tegishli jarayonlarni kuzatib borish;
• Bankning kredit portfeli bo‘yicha qarzdorlikni undirish;
• Bankning qolgan aktivlarini qonunchilikda belgilangan tartibda “E-AUKSION” elektron savdo platformasi orqali sotish;
• mablag‘lar kelib tushganidan so‘ng to‘lovlarni qo‘shimcha kechikishlarsiz amalga oshirishni ta’minlash uchun kreditorlar bilan hisob-kitoblarni tayyorlash.
Kelib tushayotgan barcha mablag‘lar faqat kreditorlar talablarini qonunda belgilangan navbat tartibida qanoatlantirishga yo‘naltiriladi.
Tugatish komissiyasi amalga oshirilayotgan tadbirlarda ijobiy siljishlar kuzatilayotganini qayd etadi hamda kreditorlar bilan hisob-kitoblarni va umuman tugatish jarayonini yakunlash sari izchil harakat qilmoqda.
5. Kreditorlarning bank rekvizitlari to‘g‘risidagi ma’lumotlar
Pul mablag‘larini kreditorlarga o‘z vaqtida o‘tkazishni ta’minlash uchun Tugatish komissiyasiga taqdim etilgan ma’lumotlarda bank rekvizitlari: hisobvaraq raqami, MFO va xizmat ko‘rsatuvchi bank nomi to‘g‘ri ko‘rsatilgan bo‘lishi zarur.
Bank rekvizitlari o‘zgargan yoki avval noto‘g‘ri ma’lumotlar taqdim etilgan bo‘lsa, Tugatish komissiyasiga amaldagi rekvizitlar ko‘rsatilgan ariza taqdim etilishi lozim. Ishonchli rekvizitlar bo‘lmasa, mablag‘larni o‘tkazishning imkoni yo‘qligiga e’tiboringizni qaratamiz.
Arizalarni qabul qilish manzili: Toshkent shahri, Yunusobod tumani, A. Temur ko‘chasi, 99-uy
Qabul vaqti: har kuni soat 10:00 dan 18:00 gacha (tanaffus 13:00–14:00)
Tugatish komissiyasi kreditorlarga tushunganliklari va konstruktiv hamkorliklari uchun minnatdorlik bildiradi hamda keyingi bosqichlarning borishi haqida xabardor qilib borish majburiyatini oladi.
Hurmat bilan,
“YANGI BANK” AJ
Tugatish komissiyasi
“YANGI BANK” AJ TUGATISH KOMISSIYASINING AXBOROT XABARI
kreditorlar talablari reyestri bilan tanishish tartibi va majburiyatlarni bajarish reglamenti to‘g‘risida
O‘zbekiston Respublikasi Markaziy banki Boshqaruvining 2026-yil 15-yanvardagi 1/1-sonli qaroriga asosan faoliyat yuritayotgan va O‘zbekiston Respublikasi, Toshkent shahri, Yunusobod tumani, A. Temur ko‘chasi, 99-uy manzilida joylashgan “YANGI BANK” AJ tugatish komissiyasi kreditorlar talablari reyestrini shakllantirish bosqichi yakunlanganini ma’lum qiladi.
TALABLARNI KO‘RIB CHIQISH NATIJALARI BILAN TANISHISH TARTIBI, MUDDATLARI VA JOYI
Har bir kreditor talabni ko‘rib chiqish natijalari to‘g‘risida ma’lumot olish huquqiga ega.
• Talabni ko‘rib chiqish natijalari bilan tanishish manzili: O‘zbekiston Respublikasi, Toshkent shahri, Yunusobod tumani, A. Temur ko‘chasi, 99-uy.
• Qabul vaqtlari: har kuni soat 10:00 dan 18:00 gacha, tushlik uchun tanaffus soat 13:00 dan 14:00 gacha. Dam olish kunlari: shanba, yakshanba va bayram kunlari.
• Aloqa uchun telefonlar: + 998 78 777 88 87
• Elektron pochta: info@yangi.uz
• Obyektga kirish tartibi: kreditorlar uchun shaxsni tasdiqlovchi hujjat taqdim etilganda kirish erkin.
MA’LUMOTLAR OLISH UCHUN TALAB ETILADIGAN HUJJATLAR RO‘YXATI
Ma’lumotlar qat’iy ravishda shaxs va vakolatlar tasdiqlanganidan so‘ng taqdim etiladi:
• Jismoniy shaxslar uchun (shu jumladan sobiq xodimlar): Pasport yoki ID-kartaning asli. Vakil kelgan taqdirda — notarial tasdiqlangan ishonchnoma va uning shaxsini tasdiqlovchi hujjat.
• Yuridik shaxslar uchun: Shaxsni tasdiqlovchi hujjatning asli, shuningdek, tugatish ish yurituvi materiallari bilan tanishish huquqini beruvchi, tashkilot blankasida rasmiylashtirilgan, rahbar tomonidan imzolanib, muhr (mavjud bo‘lsa) qo‘yilgan ishonchnomaning asli. Tashkilot rahbari o‘z vakolatlarini tasdiqlovchi hujjatni (buyruq, qaror) va shaxsini tasdiqlovchi hujjatni taqdim etadi.
KREDITORLAR TALABLARINI QANOATLANTIRISH TARTIBI, NAVBATI VA BOSHLANISHI
Kreditorlar talablari reyestriga kiritilgan kreditorlar talablari “Banklarni sanatsiya qilish va tugatish to‘g‘risida”gi O‘zbekiston Respublikasi Qonunining 64-moddasida belgilangan navbatga qat’iy rioya qilingan holda, pul mablag‘larining, shu jumladan bank aktivlarini sotishdan tushgan mablag‘larning tugatish massasida to‘planishiga qarab qanoatlantiriladi.
• 3-navbatdagi kreditorlar bilan hisob-kitoblar 2026-yil 5-iyundan kechiktirmay yakunlanadi.
• 4-navbatdagi kreditorlar bilan hisob-kitoblar 2026-yil 10-iyundan kechiktirmay boshlanadi.
• 5 va 6-navbatdagi kreditorlar bilan hisob-kitoblar 4-navbatdagi kreditorlar bilan hisob-kitoblar yakunlanganidan so‘ng boshlanadi.
• Hisob-kitob shakli: to‘lovlar faqat naqd pulsiz tartibda, pul mablag‘larini kreditorlarning talabnoma-arizalarini taqdim etish chog‘ida ko‘rsatilgan bank rekvizitlariga o‘tkazish yo‘li bilan amalga oshiriladi. Kreditorga uning hisobvarag‘iga mablag‘ o‘tkazish imkoni bo‘lmasa, ushbu kreditorga tegishli mablag‘lar uning nomiga boshqa bankda ochilgan hisobvaraqqa o‘tkazib beriladi.
Muhim! Kreditorlar talablari reyestri shakllantirilayotgan vaqtda Sizning bank rekvizitlaringiz: hisobvaraq raqami, MFO, bank nomi o‘zgargan taqdirda, kreditorlar hisob-kitoblar boshlanish sanasigacha Tugatish komissiyasi nomiga rekvizitlarni yangilash to‘g‘risida zudlik bilan rasmiy ariza taqdim etishi shart. Kreditorlarning bank rekvizitlari (hisobvaraq raqami, MFO, bank nomi) mavjud bo‘lmagan holda, kreditorlar hisob-kitoblar boshlanish sanasigacha Tugatish komissiyasi nomiga rekvizitlarni ko‘rsatgan holda zudlik bilan rasmiy ariza taqdim etishi lozim.
“YANGI BANK” AJ tugatish komissiyasi raisi — Xusainov A. G.
“Yangi bank” AJ O‘zbekiston Respublikasi Markaziy banki Boshqaruvining 2026-yil 15-yanvardagi 1/1-sonli qaroriga asosan majburiy tugatilish jarayonida (litsenziyaning chaqirib olinishi va tugatish komissiyasining tayinlanishi).
Tugatish komissiyasi quyidagilar uchun mustaqil baholovchi tashkilotlar o‘rtasida ochiq tender e’lon qiladi:
1) Bank aktivlarining bozor va tugatish qiymatini baholash;
2) baholash ishlari yakunlari bo‘yicha tuzilgan baholash to‘g‘risidagi hisobotni ekspertizadan o‘tkazish uchun vakolatli tashkilotni tanlash.
Tender O‘zbekiston Respublikasining "Banklarni sanatsiya qilish va tugatish to‘g‘risida"gi Qonuni, "Baholash faoliyati to‘g‘risida"gi Qonuni va O‘zbekiston Respublikasi Markaziy bankining me’yoriy hujjatlariga muvofiq o‘tkaziladi.
Ishtirokchilarga talablar:
1) O‘zbekiston Respublikasida baholash faoliyatini amalga oshirish uchun amaldagi litsenziyaning mavjudligi;
2) Banklar/yirik korxonalarning mol-mulkini baholash bo‘yicha kamida 5 yillik tajriba;
3) Baholashni 30 kalendar kunigacha bo‘lgan muddatda o‘tkazish uchun malakali baholovchilar va resurslarning mavjudligi.
Quyidagilarga ishtirok etish taqiqlanadi:Bank, uning aksiyadorlari yoki affillangan shaxslarining aktivlarini ilgari baholagan tashkilotlar. Bunday takliflar ko‘rib chiqilmasdan qaytariladi. Ushbu holatni yashirish O‘zbekiston Respublikasi qonunchiligiga muvofiq javobgarlikka sabab bo‘ladi.
Tijorat takliflari “Tender: "Yangi bank" AJ aktivlarini baholash va hisobotini ekspertiza qilish (tugatish jarayoni)” belgisi bilan muhrlangan konvertda quyidagi manzilga taqdim etiladi: Toshkent sh., Yunusobod tumani, Amir Temur ko‘chasi, 99-uy ("Yangi bank" AJ Tugatish komissiyasi). Ma’lumot uchun tel.: +998 78 777 88 87.
Takliflarni qabul qilish muddati:2026-yil 10-mart soat 18:00 gacha (Toshkent vaqti bilan).
Konvertlarni ochish:2026-yil 11-mart soat 11:00 da yuqorida ko‘rsatilgan manzilda.
Takliflar teng bo‘lgan taqdirda, g‘olib tugatish komissiyasi tomonidan aniqlanadi. Komissiya barcha takliflarni rad etish yoki tenderni o‘tmagan deb topish huquqiga ega.
2026-yil 26-fevral,
"Yangi bank" AJ Tugatish komissiyasi